ದೊಡ್ಡ ಯಶಸ್ಸು! : ಪಾಕ್ ನ ಲಷ್ಕರ್-ಎ-ತೈಬಾ ಉನ್ನತ ಕಮಾಂಡರ್ ನದೀಮ್ ಅಬ್ರಾರ್ ನನ್ನು ಬಂಧಿಸಿದ ಭಾರತೀಯ ಪಡೆ | ಜನತಾ ನ್ಯೂಸ್
1691
ಶ್ರೀನಗರ : ಕಾಶ್ಮೀರದಲ್ಲಿ ಭದ್ರತಾ ಪಡೆ ಮತ್ತು ನಾಗರಿಕರ ಮೇಲೆ ಹಲವಾರು ದಾಳಿಗಳಲ್ಲಿ ಭಾಗಿಯಾಗಿರುವ ಪಾಕಿಸ್ತಾನದ ಭಯೋತ್ಪಾದಕ ಸಂಘಟನೆ ಲಷ್ಕರ್-ಎ-ತೈಬಾ(ಎಲ್ಇಟಿ) ಉನ್ನತ ಕಮಾಂಡರ್ ನದೀಮ್ ಅಬ್ರಾರ್ ನನ್ನು ಸೋಮವಾರ ಬಂಧಿಸಲಾಗಿದೆ, ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಅಮಾಯಕ ಯುವಕರನ್ನು ಉಗ್ರಗಾಮಿ ಚಟುವಟಿಕೆಗೆ ಸೆಳೆಯಲು ಜಿಹಾದಿ ಶೂರರಂತೆ ತನ್ನನ್ನು ಬಿಂಬಿಸಿ, ವಿಕೃತ ಭಯೋತ್ಪಾದಕ ಕೃತ್ಯ ಎಸೆಯುವ ಈ ಉಗ್ರ ಇಂದು ಭಾರತೀಯ ಯೋಧರ ಕೈಗೆ ಸಿಕ್ಕಿಬಿದ್ದು, ಒಂದೆರಡು ಏಟು ತಿನ್ನುತ್ತಲೇ, ಹೇಡಿಯಂತೆ ಗೋಗರೆದು ಅಳಲು ಪ್ರಾರಂಭಿಸಿದ ವೀಡಿಯೊ ಸಾಕಷ್ಟು ವೈರಲ್ ಆಗಿದ್ದು, ನಗೆಪಾಟಲಿಗೆ ಇಡಾಗಿದೆ.
"ಉನ್ನತ ಎಲ್ಇಟಿ ಕಮಾಂಡರ್ ನದೀಮ್ ಅಬ್ರಾರ್ ಅವರನ್ನು ಬಂಧಿಸಲಾಗಿದೆ. ಅವನು ಹಲವಾರು ಕೊಲೆಗಳಲ್ಲಿ ಭಾಗಿಯಾಗಿದ್ದರು. ನಮಗೆ ಸಿಕ್ಕ ದೊಡ್ಡ ಯಶಸ್ಸು”, ಎಂದು ಐಜಿಪಿ ಕಾಶ್ಮೀರ ವಲಯ ವಿಜಯ್ ಕುಮಾರ್ ಟ್ವೀಟ್ ನಲ್ಲಿ ತಿಳಿಸಿದ್ದಾರೆ.
ಐಜಿಪಿ ಕುಮಾರ್ ಬಂಧನದ ಬಗ್ಗೆ ಯಾವುದೇ ವಿವರಗಳನ್ನು ನೀಡದಿದ್ದರೂ, ನಗರದ ಹೊರವಲಯದಲ್ಲಿರುವ ಪರಿಂಪೋರಾದ ಚೆಕ್‌ಪಾಯಿಂಟ್‌ನಲ್ಲಿ ಭದ್ರತಾ ಪಡೆಗಳು ಅಬ್ರಾರ್ ಮತ್ತು ಇನ್ನೊಬ್ಬ ಶಂಕಿತನನ್ನು ಬಂಧಿಸಿವೆ, ಎಂದು ಮೂಲಗಳು ತಿಳಿಸಿವೆ.
ಇವರಿಬ್ಬರ ವಶದಿಂದ ಭದ್ರತಾ ಪಡೆಗಳು ಪಿಸ್ತೂಲ್ ಮತ್ತು ಗ್ರೆನೇಡ್ ಅನ್ನು ವಶಪಡಿಸಿಕೊಂಡಿದೆ.
ಪೊಲೀಸರ ಪ್ರಕಾರ, ಈ ವರ್ಷದ ಆರಂಭದಲ್ಲಿ ಲಾವೇಪೊರಾದಲ್ಲಿ ಮೂವರು ಕೇಂದ್ರ ಮೀಸಲು ಪೊಲೀಸ್ ಪಡೆ(ಸಿಆರ್‌ಪಿಎಫ್) ಸಿಬ್ಬಂದಿಯನ್ನು ಹತ್ಯೆ ಮಾಡಿದ ಪ್ರಕರಣದಲ್ಲಿ ಅಬ್ರಾರ್ ಭಾಗಿಯಾಗಿದ್ದಾನೆ.
